У Асвеі Верхнядзвінскага раёна адкрылі Дом культуры
12.10.2020 Image Адкрыцця Дома культуры ў Асвеі Верхнядзвінскага раёна чакалі не адзін год. Пацвярджэннем таму была колькасць людзей, што сабралася ў цэнтры гарпасёлка.

У натоўпе яркімі фарбамі ўбораў выдзяляліся члены самадзейных калектываў. Таленавітыя асвейцы разгарнулі выставы ўздоўж будынка. І ўсе чакалі, калі змогуць зазірнуць унутр, бо за тым, як ён мяняўся знешне, маглі сачыць штодня. Літаральна на вачах майстры надавалі сценам сучасны выгляд.

І вось наступіў момант, калі старшыня абласнога Савета дэпутатаў Уладзімір Цярэнцьеў, начальнік галоўнага ўпраўлення па адукацыі аблвыканкама Дзмітрый Хома, старшыня Верхнядзвінскага райвыканкама Васіль Шылаў, якія спецыяльна прыехалі ў Асвею на адкрыццё Дома культуры, а таксама старшыня Асвейскага сельвыканкама Сяргей Навіцкі перарэзалі на ўваходзе ў яго чырвоную стужку. Жыхары гарпасёлка з захапленнем аглядалі сваю новую ўстанову культуры – танцавальную залу, дзе разгарнулі выставы мясцовыя майстры, актавую з прыгожым інтэр’ерам, радамі зручных крэслаў, сучаснай сцэнай. Больш дасведчаныя прыглядаліся да апаратуры – мікрафонаў, узмацняльнікаў, святламузыкі, без чаго нельга атрымаць жаданы гук, стварыць настрой.

Усё гэта праверылі падчас канцэрта. На сцэне салістаў змянялі гурты, гучалі сучасныя і народныя песні. Таксама павіншавалі і ўзнагародзілі напярэдадні прафесійнага свята шэраг работнікаў культуры за заслугі ў захаванні і развіцці народнай творчасці. Сярод іх была і загадчыца Сенькаўскага Дома культуры Любоў Марынская, якой уручылі дыплом ганаровага грамадзяніна Верхнядзвінскага раёна. Хутка споўніцца 40 гадоў яе працы ў ДК, які шырока вядомы не толькі самадзейнай творчасцю, але і сістэмнай работай па ўвекавечанні памяці загінулых у гады Вялікай Айчыннай вайны. Любоў Іванаўна напісала гісторыю Сенькаўскага бессмяротнага палка, дзе не забыты ніводны з тых, хто змагаўся супраць карычневай чумы. На адкрыцці Асвейскага Дома культуры яе самадзейны калектыў парадаваў гледачоў спевамі народных песень а капэла.

Васіль Шылаў расказаў пра дасягненні раёна ў добраўпарад-каванні, стварэнні новых рабочых месцаў, сацыяльнай сферы і перспектывы развіцця Асвеі. Ён паведаміў, што гарпасёлак уключаны ў абласную праграму развіцця малых гарадоў. За апошнія тры гады ў асвейскую інфраструктуру ўжо ўкладзена больш за 5 млн руб. – адкрыты фірменны магазін масласырзавода, адрамантавана лазня, сёлета адрамантаваны два жылыя дамы, адкрыты ДК.

Image

Рамонт будынка пачалі ў першым квартале, а ў пачатку кастрычніка здалі яго, за кароткі тэрмін стварылі выдатныя ўмовы для працы і адпачынку людзей. Тут размясціліся ДК і бібліятэка, у перспектыве пераселіцца музычная школа. ДК наведвае больш за 1200 чалавек, у ім працуе восем клубных фарміраванняў. У фондзе бібліятэкі амаль 15 тысяч выданняў, якімі карыстаецца больш за тысячу чытачоў, працуе літаратурна-краязнаўчы клуб «Літаратурная гасцёўня».

Праграма візіту прадстаўнікоў абласной улады ў Асвею была насычанай. Уладзімір Цярэнцьеў і Дзмітрый Хома сустрэліся з выпускнікамі мясцовай сярэдняй школы, дзе падчас дыскусіі распытвалі школьнікаў пра іх планы на будучыню, пра тое, што яны хацелі б мець у Асвеі, каб было жаданне вярнуцца сюды пасля вучобы.

Не ўсе з прысутных юнакоў і дзяўчат толькі і мараць з’ехаць у горад. Медыцынскай сястры ці выратавальніку знойдзецца месца і на малой радзіме. Нават навукай можна займацца ў структуры заказніка «Красны Бор». А вось для падлеткаў трэба мець добрую спартыўную базу, студыі для творчага развіцця і заняткаў танцамі.

– Усё гэта будзе рэальным, – запэўніў выпускнікоў старшыня абласнога Савета дэпутатаў. – Ужо ў наступным годзе вучні школы атрымаюць сучасныя і камфортныя ўмовы для вучобы, заняткаў фізкультурай і спортам.

Жыццё дыктуе вырашэння шматлікіх праблем. Адна са злабадзённых – дзяржаўная пабудова і роля ў ёй органаў мясцовага самакіравання пярвічнага ўзроўню. Гэта пытанне таксама было абмеркавана ў ходзе сустрэчы Уладзіміра Цярэнцьева са старшынямі сельскіх Саветаў і сельвыканкамаў Верхнядзвінскага раёна.

"Витебские вести".


Оригинал новости
 

Курсы валют

Валюта Покупка Продажа
USD 2.556 2.561
EUR 3.083 3.092
RUB 3.44 3.449

Внимание! Опрос!

Какие жанры кинофильмов Вам больше нравятся?
 

Календарь событий