Магіла Язэпа Драздовіча стала гісторыка-культурнай каштоўнасцю
14.09.2018 Image

У год, аб’яўлены Прэзідэнтам Рэспублікі Беларусь Годам малой радзімы, ідзе пашырэнне Дзяржаўнага спісу гісторыка-культурных каштоўнасцей па Віцебскай вобласці. У маі 2018 года пастановай Міністэрства культуры Рэспублікі Беларусь нематэрыяльнай гісторыка-культурнай каштоўнасцю была  прызнана Народная гульня моладзі ”Яшчар“ у в. Гута Пастаўскага раёна.

Рашэннем Віцебскага абласнога выканаўчага камітэта ад 12 верасня 2018 г. № 516 статус гісторыка-культурнай каштоўнасці нададзены  магіле вядомага беларускага мастака, фалькларыста, этнографа Язэпа Драздовіча, якая знаходзіцца ў в.Ляпляне Глыбоцкага раёна.

Сімвалічна, што адбылося гэта напярэдадні чарговых угодкаў са дня смерці нашага земляка, які памёр 15 верасня 1954 г., і за месяц да 120-гадовага юбілею з дня яго нараджэння класіка беларускага мастацтва. З ініцыятывай пра ўключэнне ў Дзяржаўны спіс месца пахавання Язэпа Драздовіча выступіў Глыбоцкі райвыканкам.

Пахаваны Язэп Нарцызавіц на звычайных вясковых могілках. На месцы пахавання у 1982 годзе усталявана пліта з барэльефам (скульптар А. Шатэрнік).

Па словах старшыні Віцебскага абласнога савета па пытаннях гісторыка-культурнай спадчыны дырэктара Віцебскага абласнога краязнаўчага музея Г.У.Савіцкага, дадзеная прапановы была адзінагалосна падтрымана ўсімі. Пытанне толькі ўзнікла з лакалізацыяй помніка, так як вельмі часта гэтыя могілкі прывязваюць да в. Малыя Давыдзькі, а в.Ляпляне доўгі час называлася Ліпляні. Гэтыя назвы можна сустрэць у шматлікіх публікацыях па жыцці і творчасці мастака. Таму пры лакалізацыі гісторыка культурнай каштоўнасці карысталіся тым, што абодва варыянты назвы сустракаюцца у нарматыўных даведніках, а ў дадзены момант ва ўсіх афіцыйных картах і базах веска мае назву Ляпляне (у рускім варыянце “Лепляне”).

Дзякуючы новай гісторыка-культурнай каштоўнасці агульная колькасць аб’ектаў спадчыны ў Віцебскай вобласці дасягнула лічбы 953. Гэта другое месца па рэспубліцы пасля Магілёўшчыны. Рашэнне Віцебскага аблвыканкама стала першым прыкладам пашырэння Дзяржаўнага спісу гісторыка-культурных каштоўнасцей на рэгіянальным узроўні ў вобласці, пасля таго як такая магчымасць была дадзена рэгіёнам Кодэксам Рэспублікі Беларусь аб культуры. У рэспубліцы на сённяшні дзень падобныя рашэнні прымаліся толькі ў Гродзенскай і Мінскай абласцях. Копія рашэння будзе размешчана на сайце Міністэрства культуры.

 


Оригинал новости
 

Добавить комментарий

Защитный код
Обновить

Курсы валют

Внимание! Опрос!

Какие жанры кинофильмов Вам больше нравятся?
 

Календарь событий

123

Отправить SMS


Реклама