У Паставах прайшоў Міжнародны фестываль народнай музыкі «Звіняць цымбалы і гармонік»
11.06.2018 Image Адшумелі музыкай і песнямі, рознагалоссем моў і гоманам дзятвы, прамільгнулі ў віхуры танцаў тры самыя яркія дні пастаўскага лета. Міжнародны фестываль народнай музыкі «Звіняць цымбалы і гармонік» у 29-ы раз пацвердзіў, што з’яўляецца адным з самых папулярных не толькі ў краі, але і ва ўсёй краіне. Гэта падкрэслівалі ў сваіх выступленнях міністр культуры Рэспублікі Беларусь Юрый Бондар і старшыня аблвыканкама Мікалай Шарснёў.

Таксама да арганізатараў і ўдзельнікаў мерапрыемства звярнуліся старшыня абласнога Савета дэпутатаў Уладзімір Цярэнцьеў, старшыня Беларускага фонду культуры, ініцыятар правядзення фестываляў у Паставах Тадэвуш Стружэцкі і старшыня райвыканкама Сяргей Чэпік.

Image

Фестываль з’яўляецца творчай пляцоўкай і барометрам дасягнутага ўзроўню для тых, хто захоўвае народныя традыцыі, і разам з тым месцам вучобы, больш глыбокага пазнання і вяртання да жыцця музычных інструментаў, якімі карысталіся нашы продкі. Таму майстар-класы сталі на фестывалі традыцыйнымі.

Сёлета, напрыклад, музыказнаўцы звярнулі ўвагу на дуду, яе магчымасці ва ўзбагачэнні палітры гучання аркестраў. Творчая лабараторыя «Дуда – покліч часу» была адзначана як адна з найважнейшых пляцовак мерапрыемства.

Дарэчы, на сёлетнім свяце народнай творчасці як ніколі раней было багата розных тэматычных пляцовак. Але іх ўсе аб’яднала адна тэма, яны прысвячаліся малой радзіме, яе культурна-гістарычнай спадчыне, прыродзе і людзям, тым хто праславіў яе ў творчасці, навуцы, эканоміцы.

Так супала, што ў Год малой радзімы на Пастаўшчыне святкуюць шэраг юбілеяў, звязаных з фестывалем «Звіняць цымбалы і гармонік». Споўнілася 60 гадоў Груздаўскаму цымбальнаму аркестру, мясцоваму калектыву, які і паклаў пачатак сучаснага фестывалю народнай музыкі. Яго справу прадоўжыў ансамбль «Паазер’е», які, па словах Тадэвуша Стружэцкага, з’яўляецца ўзорам захавання народных выкананаўчых традыцый і гучання інструментаў.

Image

 Круглую дату ў гэтыя дні адзначае таксама калектыў Дома рамёстваў, адкрыццё якога адбылося 20 год таму менавіта падчас фестывалю. У першы дзень свята ўзгадвалі гісторыю Дома рамёстваў «Стары млын», людзей, што стаялі ля яго вытокаў, а таксама ушаноўвалі цяперашніх таленавітых майстроў. Гэтая ўстанова прызнавалася лепшай у вобласці, не раз была пераможцам ці прызёрам абласных і рэспубліканскага аглядаў-конкурсаў. Да юбілею майстры выставілі на агляд свае шматлікія работы.

У ліку аўтараў была і мастачка Таццяна Чарных. Пастаўшчына для сібірачкі стала другой радзімай. Прырода натхніла жанчыну на творчасць. Сваю ўдзячнасць краю і людзям яна выказала ў выставе карцін – светлых, сонечных, як людская дабрыня і гасціннасць.

У «Старым млыне» з удзячнасцю ўзгадвалі былога старшыню райвыканкама Васіля Чэпіка, дзякуючы якому і з’явіўся ў райцэнтры Дом рамёстваў. У музеі, што знаходзіцца ў палацы Тызенгаўза, размешчана выстава пад назвай «Народжаны для добрых спраў», на адкрыццё якой прыйшлі дзясяткі пастаўчан, каб разам успомніць таленавітага кіраўніка і шчырага чалавека, які ў цяжкую пару перабудовы закладваў падмурак сённяшняй эканоміцы раёна.

Не забылі пастаўчане і іншых сваіх землякоў. Памяць паэта і казачніка Уладзіміра Дубоўкі ўшанавалі памятным знакам, устаноўленым паблізу яго роднай вёскі ля шашы Полацк – Вільнюс, у райвыканкаме адкрылі галерэю партрэтаў былых кіраўнікоў раёна, выдалі зборнікі літаратурных твораў мясцовых ураджэнцаў і даведнік пра самых славутых з іх ліку.

Адным словам, музычны фестываль быў напоўнены не толькі музыкай. На ім гаварылі пра культурныя зносіны і дамаўляліся аб пашырэнні эканамічных сувязей. Незадоўга да яго пастаўчане сустракаліся з прадстаўнікамі гарадоў-пабрацімаў на эканамічным форуме ў Віцебску і тэму ўзаемавыгаднага супрацоўніцтва прадоўжылі падчас свята ў Паставах, на якое прыехалі з краін Балтыі прадстаўнікі мясцовага самакіравання.

На фестывалі кожны мог знайсці сабе занятак па душы, наведаць канцэртныя пляцоўкі, адна з якіх у суботу працавала на гарадской плошчы, другая – у нядзелю ў гарадскім парку, паглядзець выступленні самадзейных артыстаў і калектываў у зале Дома культуры на традыцыйным конкурсе «Хто каго?».

Гэта былі яркія прадстаўленні, дзе злучыліся музыка і спевы, імклівыя скокі беларусаў і расіян, лірычныя напевы і павольныя танцы латышоў, літоўцаў і эстонцаў, экзатычнае выступленне індусаў. Фестываль у Паставах зацікавіў і іх, жыхароў далёкага Дэлі. Яны спявалі і танцавалі, гаварылі, што на Пастаўшчыну вернуцца яшчэ не раз.

Далёка за поўнач гучалі музыка і песні, неба рознакаляровымі зоркамі ўпрыгожваў феерверк, асвечвалі плошчу водбліскі вогненнага шоу. Пад раніцу ў нядзелю горад заціх, каб перад абедам зноў закарагодзіць у аглядзе выстаў мясцовых і прыезджых майстроў, прайсці ў тэатралізаваным шэсці ў парк і зноў парадаваць гледачоў яркімі выступленнямі.

Тэкст фота Тамары ПАШКЕВІЧ, "Витебские вести".

Оригинал новости
 

Добавить комментарий

Защитный код
Обновить

Курсы валют

Внимание! Опрос!

Какие жанры кинофильмов Вам больше нравятся?
 

Календарь событий

Тех. поддержка

По техническим вопросам обращаться:
 Контакты
616124 616124

123

Отправить SMS


Реклама