Рэгіянальны фінал «Чытаем па-беларуску з velcom» прайшоў у Гомелі

10 красавіка ў Гомелі прайшоў рэгіянальны фінал сацыяльна-адукацыйнага праекту «Чытаем па-беларуску з velcom».

У школе № 11 Гомелю выступілі 30 лепшых удзельнікаў з розных гарадоў і вёсак рэгіёну. Яны выканалі адзін з твораў беларускай літаратуры перад журы і гледачамі.

Image

Пяць лепшых чытачоў былі ўзнагароджаны смартфонамі, а таксама запрошаны на вялікі рэспубліканскі фінал праекта, які адбудзецца ў траўні.

У журы, якое ўзначальвае пісьменнік і галоўны рэдактар часопіса «Вясёлка» Уладзімір Ліпскі, ўвайшлі акцёр і тэлевядучы Юрый Жыгамонт, прадстаўнікі абласнога аддзела адукацыі і кампаніі velcom.

Image

Image

Праект «Чытаем па-беларуску з velcom» падтрымала Міністэрства адукацыі. Анлайн-конкурс сярод вучняў 7-х і 8-х класаў з усёй Беларусі праводзіўся з кастрычніка па снежань 2018 года. Мэта праекта — адкрыць для вучняў свет беларускай літаратуры па-новаму, а таксама выкарыстаць магчымасці сацыяльных сетак для адукацыі.

На працягу дзвюх з паловай месяцаў удзельнікі конкурсу запісвалі відэа, на якіх яны чытаюць творы са школьнай праграмы па беларускай літаратуры. Школьнікі з усёй Беларусі даслалі на конкурс 2048 відэа агульнай працягласцю больш за 45 гадзін. У сацыяльных сетках гэтыя ролікі набралі ўжо больш за 700 тысяч праглядаў.

Пяцёра лепшых ад кожнага рэгіёну будуць узнагароджаны сучаснымі смартфонамі і атрымаюць магчымасць пазмагацца за перамогу ў вялікім рэспубліканскім фінале. Пераможцам конкурсу будуць уручаны смартфоны Apple.

На рэгіянальным фінале ў Гомелі арганізатары адзначылі, што пакуль паўднёва-усходні рэгіён — лідар па дасланых роліках: з 2048 запісаў 355 даслалі з Гомелю і вобласці. З 355 былі выбраныя 30 лепшых чытачоў.

Image

Image

Image

«Малайцы вэлкомаўцы — узялі і арганізавалі такі праект! У нас шмат розных арганізацый, кампаній — вось каб кожная з іх правяла падобныя акцыі. Тады многія людзі зірнулі бы па-іншаму на беларускую мову — меладычную, музычную, прыгожую, якая не горш за кітайскую, французскую ці нямецкую. Яна наша, родная», — адзначыў у каментары для БелаПАН Уладзімір Ліпскі.

Ён падкрэсліў, што мова — гэта душа, мускулы якой трэба развіваць — «вось у чым галоўная мэта такой акцыі».

Image

Пісьменнік і старшыня журы ўпэўнены: беларуская мова кранае і хвалюе ўдзельнікаў конкурсу, бо дзеці не проста чытаюць вершы ці ўрыўкі з празаічных твораў, але прапускаюць усё гэта праз сэрца і розум.

«Значыць, іх душа абагачаецца. Я ўпэўнены, калі гляджу на ўдзельнікаў конкурсу — у нашай мовы ёсць будучыня. Наша мова прайшла праз стагоддзі выпрабаванняў, праз розныя пакручастыя дарогі, нас ламалі на іншую мову і культуру — але мы засталіся, што пацвярджае, што наша культура, мова і нацыя незвычайна багатыя, мы жывём і будзем жыць», — рэзюмаваў Ліпскі.

Loading...

Обсудим?


Naviny.by
 

Добавить комментарий

Защитный код
Обновить

Курсы валют

Валюта Покупка Продажа
USD 2.42 2.425
EUR 2.734 2.74
RUB 3.411 3.417

Внимание! Опрос!

Какие жанры кинофильмов Вам больше нравятся?
 

Календарь событий