«Радзіва «Прудок» стане спектаклем. Прэм’ера — 16 мая ў Купалаўскім

16 мая ў Купалаўскім тэатры адбудзецца прэм’ера спектакля па матывах кнігі Андруся Горвата «Радзіва «Прудок». Рэжысёрам выступае вядомы акцёр Раман Падаляка.

«Радзіва «Прудок» распавядае пра мінскага журналіста і дворніка Купалаўскага тэатра Андруся Горвата, які вырашыў з'ехаць у вёску Прудок аднаўляць дом свайго дзеда і прамяняў мітусню вялікага горада на радасці вясковага жыцця і блізкасць да ўласных каранёў. Свае ўражанні ён спачатку размяшчаў на асабістай старонцы ў Facebook, потым гэтыя запісы сталі кнігай. А з 16 мая кніга стане спектаклем.

У 2017 годзе «Радзіва «Прудок» атрымала прэмію «Дэбют» імя Максіма Багдановіча і ўвайшла ў шорт-ліст прэміі імя Ежы Гедройца. Кніга Андруся Горвата стала сапраўдным бэстсэлерам сучаснай беларускай літаратуры. Тыраж у 1000 асобнікаў быў распрададзены ў Купалаўскім тэатры за лічаныя гадзіны.

Image

«Андрусь Горват — наш даўні сябар яшчэ з часу яго працы ў тэатры. Пасля ад'езду ў Прудок ён напісаў кнігу. Ідэю паставіць спектакль мы абмяркоўваем ўжо даўно. Я вельмі рады і ўдзячны ўсім, што зараз такая магчымасць у нас з'явілася», — распавядае Раман Падаляка.

Напрыканцы 2017 года Раман Падаляка падаў свой праект «Радзіва «Прудок» на конкурс рэжысёрскіх эксплікацый Міністэрства культуры і стаў адным з шасці лаўрэатаў, якія атрымалі грант на пастаноўку.

«Ідэя стварэння спектакля прывабіла мяне адразу. Разам з акторамі Купалаўскага тэатра мы пачалі шукаць спосабы яе мастацкай рэалізацыі. Па матывах адной з гісторый Андруся мы знялі караткаметражны фільм «Ягор», які прыняў удзел у фестывалі мабільнага кіно velcom Smartfilm. Фільм быў удастоены прыза глядацкіх сімпатый», — адзначыў Раман Падаляка.

«Думаю, калі і можна казаць аб нейкім фенамене папулярнасці маёй кнігі, гэта тое, што яна дапамагла тым, хто забыў, ўспомніць, а тым, хто не здагадваўся, — зразумець, як важна ведаць і любіць месца на гэтай зямлі, адкуль ты выйшаў, і не саромецца любіць яго. Ва ўсялякім выпадку, гэта важна для мяне, і таму менавіта так мне хацелася б лічыць. І калі праз спектакль гэтая ідэя знойдзе яшчэ адну сцежачку ў думкі і сэрцы гледачоў, я буду толькі рады», — адзначыў Андрусь Горват.

Image

Спектакль будзе пастаўлены на Камернай сцэне тэатра, якая з'яўляецца пляцоўкай для рэалізацыі эксперыментальных праектаў маладых рэжысёраў. Упадабаныя чытачамі вобразы прудкоўцаў увасобяць Святлана Анікей, Міхаіл Зуй і Зміцер Есяневіч.

Генеральным партнёрам спектакля выступіла кампанія velcom, якая традыцыйна надае вялікую ўвагу праектам, прысвечаным падтрымцы беларускай мовы, літаратуры і нацыянальнай самаідэнтыфікацыі.

 

Loading...

Обсудим?


Naviny.by
 

Добавить комментарий

Защитный код
Обновить

Курсы валют

Валюта Покупка Продажа
USD 2.407 2.411
EUR 2.673 2.679
RUB 3.445 3.43

Внимание! Опрос!

Какие жанры кинофильмов Вам больше нравятся?
 

Календарь событий