“БелЛіт: мабільны гід”: у Мiнску стартуе мабiльны курс беларускай лiтаратуры

6 сакавіка ў Мінску пачнуцца бясплатныя лекцыі па беларускай літаратуры ў межах праекта “БелЛіт: мабільны гід”. Гідамі па літаратуры для слухачоў стануць пісьменнікі, выкладчыкі і медыйныя персоны. Узгадаць альбо адкрыць для сябе знакавыя беларускія творы зможа кожны жадаючы. Праект ладзіцца пры падтрымцы Мабільнай бібліятэкі МТС.

Image

Усяго запланавана 6 лекцый. Праграма надзвычай разнастайная: слухачы даведаюцца пра “памер” беларускай літаратуры, самы паспяховы стартап 16 стагоддя і не толькі.

Арыентавацца ў літаратуры дапамогуць наступныя спікеры: Альгерд Бахарэвіч, Алесь Суша, Вальжына Морт, Ганна Севярынец, Андрэй Хадановіч, Ганна Бутырчык, Марына Казлоўская і іншыя.

Кожны слухач лекцый атрымае залікоўку, у якой будуць адзначацца заняткі, якія ён наведае, і тэсты, якія пройдзе. Лепшыя “студэнты” атрымаюць “чырвоныя” дыпломы.

Таксама кожны жадаючы можа падпісацца на e-mail-рассылку з цікавымі матэрыяламі па беларускай літаратуры ад аўтараў праекта “Купала поштай” і “Мастакі поштай” і прайсці тэматычныя тэсты.

Распачнуцца заняткі напярэдадні Міжнароднага жаночага дня — 6 сакавіка. Таму сімвалічна, што першая лекцыя будзе прысвечаны прыгожай палове чалавецтва. Беларуская літаратарка і перакладчыца Юлія Цімафеева распавядзе пра 5 літаратурных гераіняў, якія вас здзівяць.

Зарэгістравацца на лекцыі і падпісацца на e-mail-рассылку можна на сайце праекта: gidbellit.by. Усе заняткі для наведвальнікаў бясплатныя. Месца правядзення: крэатыўная прастора Imaguru (вул. Фабрыцыуса, 4), пачатак у 19:00.

Падчас літаратурных сустрэч можна будзе не толькі паслухаць прафесіяналаў, задаць ім пытанні, але і падзяліцца ўласнымі думкамі наконт любімых твораў, аўтараў і прыемна правесці час у сяброўскай атмасферы аднадумцаў.

 

 

 



Naviny.by
 

Добавить комментарий

Защитный код
Обновить

Курсы валют

Валюта Покупка Продажа
USD 2.407 2.411
EUR 2.673 2.679
RUB 3.445 3.43

Внимание! Опрос!

Какие жанры кинофильмов Вам больше нравятся?
 

Календарь событий